Chapter 55
Mula sa napakalaking head-to-foot mirror sa master’s bedroom ni Amira, palihim na nagmamasid si Trisha. Sa likod ng two-way mirror na iyon siya nagkubli, tahimik ngunit naglalagablab ang dibdib. Sa bawat segundong lumilipas, malinaw niyang nasasaksihan ang nagaganap na mapusok na eksena sa pagitan ng kanyang asawa at ng biyudang si Amira, na tila ay isang reyna ng tukso sa paraan ng paglapit, pananalita, at pang-aakit kay Raven.
Ang bawat haplos ni Amira, ang mapang-akit nitong titig, ang malagkit na paglapit lahat iyon ay sinasadya ng byuda upang agawin si Raven sa kanya.
Mas masakit pa roon? Si Amira rin pala ang may pakana ng pagkawala ni Troy. Ginamit ang bata, ang sariling anak nila ni Raven, ginawang pain, para lang mapansin at mapasakamay ang lalaking hindi naman talag
