“Ang dami palang gagawin. Sana hindi ko na lang iprinisinta ang sarili ko na maging Maid of Honor mo,” reklamo ni Trina na kasama niyang namimili ng mga gagamitin sa kasal nila ni JE sa Divisoria.
After his nerve-wrecking proposal, JE asked her parents if he could marry her after a year. Gusto kasi nitong ma-enjoy muna niya kahit papaano ang pagtuturo pagkatapos niyang pumasa sa board exam. Walang pagtangging pumayag naman ang kaniyang mga magulang. Alam kasi ng mga ito kung gaano nila kamahal ang isa’t isa.
Isa pa, alam nilang mapagkakatiwalaan si JE. Iyon naman talaga ang importante sa mga ito. Ang iingatan at mamahalin siya ni JE nang totoo at hindi sasaktan.
Hinarap niya ito at namewang. “Gusto mo ba?” nakataas ang isang kilay na tanong niya.
Mabilis itong umiling. “Nagbibiro lang
