“Baka naman na-late lang s’ya. Di ba sinabi naman niya sa ’yo na pupunta s’ya ngayong gabi?” ani Trina habang nasa loob pa sila ng sasakyan. Pareho silang hindi pa bumababa roon mula pa kanina.
Magdadalawang oras na silang nag-aabang sa date niya para sa New Year’s ball, ngunit ni anino ni JE ay hindi pa nagpapakita sa kanila. Nagpadala lang ito ng bulaklak at sasakyang maghahatid sa kanila sa school. Excited pa nga siya dahil akala niya kasama na ang binata. Ngunit laking pagkabigo ang nadama niya nang ang driver lang ang bumaba roon. Ni hindi rin ito tumatawag, kaya pareho silang nababahala ni Trina.
Bettina sighed. “Halika na,” yaya niya kay Trina.
Mabilis niyang binuksan ang pintuan at umibis doon. Nakasunod sa kaniya ang kaibigang palinga-linga pa sa paligid.
“Okay lang kung hind
