AMY
Nakarating na kami ni Sean dito sa may malapit na palengke sa kabilang kanto, pero hindi ko pa rin maisip kung bakit nagkaganun si papa. Walang pumapasok sa isipan ko na dahilan kung bakit. “Sana lang, pagbalik natin sa bahay eh nasa maayos na kondisyon na si Papa… Hindi talaga ako sanay na ganoon siya,” malungkot na sabi ko.
Ipinatong ni Sean ang kamay niya sa balikat ko at parang minasahe niya pa iyon. Nagkatinginan kami at napagmasdan ko ang mga mata niyang nag-aalala na rin para sa akin at tsaka kay papa. “Magiging maayos din ang lahat. Wala naman siguro kayong malalang problema. Alam ko naman ding makararaos kayo sa pagkasunog ng cottage niyo eh,” pagpapagaan niya sa kalooban ko. “Anong gusto mong makain?” tanong niya sa akin.
Sinuklian ko ang ngiti niya sa pamamagitan ng isang
