Jiro’s POV
Hindi na masyadong magulo ang mga bashers ko dahil sa pagsuntok sa lalaki na iyon na Caloy pala ang pangalan. Hindi ko naman alam na sikat siya sa campus na ito at kung sikat man siya ay wala akong pakialam, nainis talaga ako sa kanya noong narinig ko na binabastos lang niya si Aleina. Mabuti na lang pala at hindi talaga sumama si Aleina sa lalaki na iyon. Dahil nakasama ko na siya ay parang kaibigan na rin ang turing ko sa kanya at ayaw na ayaw ko na nakaririnig ng ganoon. Basta kinausap lang ako at nakipag-kuwentuhan sa akin ay kaibigan na kaagad ang turing ko lalo na kung wala namang ginawang masama sa akin at kung maayos naman ang pakikitungo sa akin. Ganoon naman ako dati pa at nasanay ako. Sadyang naaalala ko lang kung paano ako iwasan ng mga tao noon dahil sa ginawa ni A
