Si Ezekeil ay kanina pa nagngingitngit sa inis dahil sa paglabas ni Hannah kasama si Lucas ayon sa guard nang itanong niya kung lumabas ba ang dalaga. Hindi niya ito nasabihang hintayin siyang mag-lunch dahil naipit siya sa matagal na meeting sa conference room. Pagdating niya sa opisina’y naroon din si Maricar na naghihintay sa kanya kaya’t ito ang nakasabay niyang kumain.
“Aprobahan mo na ang kontrata, Ezekeil. I can’t start the wedding preparation without your approval,” wika nito. Napatitig siya sa kaharap habang tuliro pa rin ang isip niya.
“We still have one big problem.”
“Kaya kong gawan ng paraan ano pa man yan.”
“Wala pa akong bride.”
“What?!”
“May kailangan ka?” Napalingon silang dalawa ni Maricar nang biglang pumasok sa pinto ng silid niya si Hannah. Nakita ri
