“Kumusta si Haley?” tanong ng kapatid na si Zane pagkatapos ng board meeting nila isang hapon.
“She’s getting better. Mas malakas na siya ngayon kaysa dati. Papunta ako ngayon sa condo para bisitahin sila,” sagot niya sa kapatid.
“Dadalaw kami ni Zandro sa kanya one of these days.”
“Sure.” Iniligpit niya ang gamit at nagbilin sa sekretarya bago siya tuluyang lumabas ng opisina.
Isang taon na mula nang dalhin niya si Haley at ang pamilya nito sa Maynila para dito ipagamot. Ipinakilala niya sa Mama’t Papa niya ang anak at madalas na rin niyang nadadala sa mansyon para makapiling ng mga magulang lalo kapag may schedule si Haley ng chemotheraphy. Ang mga magulang naman ng dalaga ang nag-aalaga dito. Sa condo niya pinatuloy ang mga ito.
Ang condo na pinagdalhan niya kay Hannah a
