"ANG saya mo 'yata ngayon?" bungad na tanong ni Angel.
Bakit naman ako hindi sasaya? Bukod sa friday na ngayon at mawawala na si Tiffany at hindi na rin ako ang nagbabantay sa kanila ni Nicole. Simula noong martes ay si Jasper na ang nagmonitor sa kanila habang ako ay pumapasok sa klase.
"Friday na ngayon," sagot ko naman sa tanong niya.
"Masaya ka dahil mawawala na ang bruha? Ako rin naman!" natatawang sabi ni Angel.
Tiningnan ko naman siya ng masama. Hindi pa rin ako nakakalimot sa ginawa niyang pang-uuto sa akin noon sa balutan.
"Come on, Mary! Huwag mo akong tingnan ng ganyan. Kalimutan mo na ang nangyari noon sa balutan. Hindi ko naman alam na sasang-ayon ka agad," sabi niya sabay nguso.
"I bought some siomai. Baka gusto mo."
Napatingin naman ako sa nagsalita. Nakita ko si Chas
