“A-Anong gagawin ko?” tulalang tanong ko habang nakatitig sa pregnancy test na may dalawang linya, pahiwatig na positive ang resulta—na buntis ako.
“Wala kang gagawin,” ani Blaire pagkatapos suklayin ang buhok gamit ang mga daliri. “Stay here with us. Gaya ng sabi namin, hindi mo ipapaalam kay Nazzareth ang pinagbubuntis mo. Kung kinakailangan ay tataguan mo siya ng anak.”
“Ohh, revenge ba ‘yan? Exciting!” hagikhik ni Mari na parang bata. Natigil lang siya at napaayos ng tayo nang pandilatan siya ng mata ni Blaire.
“Okay lang kung dito ka muna—tayo,” Thisa chimed in. Kanina pa siya tahimik na parang may iniisip na malalim. “Mas maganda nga ‘yon kasi nababantayan ka namin. Malaki naman ‘to.”
“Agree! Hindi lang talaga marunong mag-arrange si Thisa,” natatawang saad ni Mari at nagawa pang
