Matapos ang libing, hindi ulit kami nag-usap ni Matthew. Inabala ko ang aking sarili sa pagtatrabaho ngunit nag-aalala ako sa anak namin. Pero alam ko namang hindi pababayaan ni Matthew ang anak namin. Dugo at laman niya iyon, eh. Kaya sigurado akong hindi niya iyon sasaktan kagaya sa akin.
Kusang lumingon ang aking mga mata sa picture naming tatlo na ngayon ay nasa dulo lamang ng aking mesa. Ito iyong mga panahong maayos pa kami at walang pinoproblema. Pero ngayong taon na ito ay sinubok ulit kami ng tadhana. Magmula sa aming relasyon hanggang sa pagkamatay ni Xia.
Wala akong naging balita kay Lance pero palagi kong inaalagaan sina Tita at Tito kasama si Mirella. Minsan ay tinutulungan din ako ni Matthew na alagaan ang mag-asawa. Nagtatama ang mga mata namin ngunit hindi kami nagpapansi
