Padabog na hinagis ni Pele ang bag kung saan nilalagay ko ang mga katatapos ko lang na tiklupin na damit. Clothes scattered all over the place because of what she did, may bumagsak pa ngang alarm clock dahil sa pagtama ng bag, buti na lang at hindi nabasag.
“Sinabi niya talaga ‘yon?! Ang kapal naman ng mukha ng asawa ni Shrek na ‘yon! How dare she? Next time na makita ko talaga siya isusuntok ko sa kaniya ‘to.” Pinakita niya pa sa akin ang malaking kamao niya, kung sino man tamaan nito paniguradong tulog. “Naiinis talaga ako! Kapag dinaganan ko ang malnourish niyang katawan bali ‘yon!”
“Hoy, kumalma ka nga!” Saway ko sa kaniya. Buti na lang agad kong nahablot ang isa ko pang bag bago niya ihagis. “Tingnan mo nga ginawa mo, sayang ‘yong tiklop ko oh! Pinagkakalat mo.”
“’Yang damit na ‘ya
