HALOS isang linggo ring namalagi sina Evo at Serene sa private island na pag-aari niya. Napakasaya ng dalawa na pinagsaluhan ang mga araw at gabing magkasama sila na walang iniisip na kahit na anong problema. Ngayong opisyal nang magkasintahan ang dalawa, wala nang makahahadlang sa kanilang pag-iibigan. Gabi na nang makarating ang dalawa sa bahay ni Evo kaya naman nakatulog si Serene sa biyahe. Nang mapansin naman iyon ni Evo ay saglit niyang pinagmasdan ang mukha ni Serene. Eksakto kasing nakapaling sa kanya ang mahimbing na natutulog na kasintahan. May ngiti niyang sinulyapan ang inosenteng mukha ng dalaga na tila ba nakakaengganyong pagmasdan. Hanggang ngayon ay hindi pa rin lubos maisip ni Evo na ang isang katulad ni Serene ang magpapatibok ng kanyang puso.
“Wake up, Serene,” pukaw ni
