Nakahalumbaba ako sa kusina. Kagigising ko lang. Kaya nakatulala ako sa kapeng itinimpla sa akin ni Manang Fe. Parang gusto ko kasi ng kape ngayon kaya hindi muna gatas ang pinatimpla ko kanina.
"Anak, kanina ka pa tulala. Ano ang nasa isip mo? May problema ba? Iniisip mo pa rin ba ang sinabi sa iyo ng Daddy mo kagabi?"
Umiling ako. "Hindi, Manang Fe,"
"Anak, huwag ka nang magkaila. Kilala kita. Alam kong may problema, sa buntunghininga mo palang kanina ay alam ko talagang meron kang problema na hindi sinasabi sa akin. Kung tungkol iyan sa Daddy mo, palampasin mo na lang parang hindi ka naman sanay sa kaniya."
"Hindi ito about sa nangyari kagabi, Manang Fe."
"Kung hindi, e, ano?"
"Nanaginip ulit ako. It's kinda strange lang kasi medyo malinaw na sa akin kung ano ang panaginip kong i
