Sa planeta ng mga Orion, hindi pa rin nahanap ng mga mandirigmang inutusan ni Rigel si Shiny Star. Halos lahat nang kalapit nilang planeta ay napuntahan na ng mga ito, mahanap lamang ang prinsesa ng mga Sirius. Ngunit sa kasamaang palad, hindi nila ito nakita. Kaya naman ngayon ay pipilitin niyang paaminin ni Twinkle. Ilang ulit na nitong itinanggi na may alam siya kung saan naroroon ang miya nito. Ngunit malakas ang kaniyang hinala na may kinalaman ito sa pagtakas ng prinsesa.
FLASHBACK...
Nang makapasok sa loob ng pribadong silid si Rigel, ay agad niyang nilapitan ang may malay nang impostor. Napaatras pa ito mula sa kinauupuan nito, habang pilit na inaalis ang pagkakagapos ng mga kamay nito.
“Huwag mo nang tangkain pang makatakas mula sa iyong pagkakagapos, dahil hinding-hindi iyon m
