"Okay lang ba talaga kung hayaan natin siyang uminom dito?" tanong ni Casper habang pinagmamasdan si Vanessa na nakaupo sa kanyang upuan at panay ang tungga ng alak.
Nagkibit-balikat na lamang ako sa kanya. Ginusto ito ni Vanessa. Gusto raw niyang uminom ng alak kaya naman sinamahan ko siyang bumili at ang nakakatawa pa nito, gusto niyang mag-inom dito sa loob ng classroom namin. Hindi ko na siya pinigilan dahil alam ko ang pinagdadaanan niya. Kung gusto niyang mag-inom, eh, 'di mag-inom siya. Nandito naman kaming lahat para pigilan siya kung may hindi na siya magandang gawin.
Atsaka hinihintay ko ang mangyayari mamaya. Isang oras na lang ay magsisimula na ang klase namin kay Sir. France kaya naman inaabangan ko talaga kung ano ang magiging reaksyon niya kapag nakita niya si Vanessa na g
