Chapter 33
Allison’s POV
“Kuya!” Tumakbo ako papalapit kay Kuya Mark pagkakitang-pagkakita ko sa kanya. Sinundo niya ako rito sa airport kahit na alam kong busy siya sa trabaho. Siguro ay miss na miss na rin niya ako. Hinanap ko agad si Sav dahil sabi niya susunduin din niya ako. Pero pansin kong hindi sila magkasama ni Kuya. “Ikaw lang? Nasa’n si Sav?” Tumingin ako sa paligid pero hindi ko nakita ang kaibigan ko.
“Hindi ko alam. Pupunta raw ba siya?” nagtatakang tanong ni Kuya. Naglakad na kami palabas ng airport. Dito ko nakita ang dilim sa langit. Mukhang hindi maganda ang panahon ngayon dito sa Pilipinas.
“Oo. Ano kayang nangyari dun?” Napakamot na lang ako ng ulo. May nangyari ba noong wala ako?
Nakita ko ang pagigting ng panga ni Kuya bago nagsalita. “Hayaan mo na lang siya,”
