Redgie’s Point of View
Hindi ko akalain na aabot sa ganito. Noong makita kong nagsisimula nang mambato ang mga fans, hindi ko akalain na si Merjie ang puntirya nila. Nanlamig ako nang makita ko siyang nakadukmo at tinamaan ng bote sa ulo.
Kaagad ko siyang hinila palayo sa bench. Tinakpan ang ulo niya at itinakbo papuntang locker room. Hinabol ako ni Mang Sammy, ang tagabigay ng towel namin tuwing game.
“Kami na. Bumalik ka sa game,” sabi nito. Nagdadalawang-isip ako kung susunod ba ako sa kanya o hindi. Narinig ko ang sigaw ni Coach. Hinahanap ako. Crucial ang laro. Tabla kami at thirty seconds na lang ang natitira.
“Redgie, focus,” sabi ni Coach. Tumango ako.
“Team, i-open niyo si Redgie. Magbibigay ng foul ang Ginebra. Magkakaroon tayo ng dalawang free throw. Ipasok niyo ang isa. R
