NAKATITIG lamang si Kyle kay Liezel sa buong magdamag. Hindi niya magawang makatulog. Hindi niya pa rin magawang paniwalaan ang lahat. Sobrang taas pa rin ng paglipad ng kanyang puso at mukhang walang balak na iyong bumaba.
Itinaas niya ang isang kamay at marahang hinaplos ang natutulog na mukha ni Liezel. Nakapa-unan lamang ito sa braso niya habang ang kamay ay nakayakap sa kanyang katawan.
Humugot siya ng malalim na hininga para kalmahin ang sarili. Kanina pa gulong-gulo ang kanyang isipan. May mga tanong na nais niyang mabigyan ng kasagutan, lalo na sa pangyayari sa kanila kanina.
Inaamin ni Kyle na si Liezel lang ang nag-iisang babaeng naging parte ng buhay niya. But he was not a fool not to know that he was also the very first man in this woman’s life. Hindi iyon maitatanggi sa mga
