Denny's POV
Napalunok ako habang nakaangat ng tingin sa harapan ng POEA Building. Mahigpit ko pang hawak ang bag ko.
"A-ano bang ginagawa ko rito? Bakit ako nandito?" tanong ko sa sarili ko habang hindi mapakali sa kinatatayuan ko. Gusto kong bumalik sa loob ng sasakyan ko pero hindi na kumikilos ang mga paa ko.
Sa kawalan ng magagawa ay minabuti ko na lang na maglakad papasok sa loob ng building. Dinala ako ng mga paa ko sa kung saan ang opisina ni Mhieco. Nakasarado ang opisina nito. Hindi ko sigurado kung may tao sa loob pero tahimik na sa gawing iyon. Maaga kaya siyang umuwi?
Panaka-naka ang pagtingin ko sa cellphone ko para i-check ang oras. 4 PM na.
Napabuntonghininga ako at napasandal sa pader sa katapat ng saradong opisina na iyon.
"Miss, may hinahanap po ba kayo?" isang baba
