Denny's POV
Umuwi akong bigo. Kinabuksan na ako nakaratiing sa Manila dahil sa haba ng biyahe. Dumiretso ako sa bahay ko at hindi na inabala pang bumalik sa ospital. Sinabihan ko na lang si Ms. Tesa na tapusin ang mga tinatapos niya at saka umuwi nang maaga. Nag-text na rin ako kay Danica na hindi muna ako uuwi sa bahay nila Mama.
Gusto ko munang mapag-isa.
Gaya ng inaasahan ko ay napupuno ang harapan ng pinto ko ng mga pinaghalong sariwang bulaklak at nalalanta. Ilang araw na rin kasi akong hindi umuuwi rito. Mukha na tuloy puntod itong harapan ng unit ko.
Walang ganang napaupo ako sa aking sakong at isa-isang pinulot ang mga kalat na naroon. Tiningnan ko isa-isa ang message cards at ibang paperbags. Wala namang nangialam na kung sino at naroon pa rin ang mga regalo.
How have you bee
