KASAMA si Allan ay dinala ni Carlo sa ospital si Marsha sakay ng isang ambulansya. Mabuti na lamang at may sariling ambulansya ang subdivision. May kapitbahay din silang doctor na agad sumaklolo sa nangyari. Hindi daw talaga dapat galawin ang isang taong nasa ganoong kalagayan para maiwasan ang paglala ng kondisyon ng pasyente.
Hanggang sa mga sandaling iyon ay hindi pa rin mapakali si Anastacia. Nang mahulog si Marsha kanina sa hagdan ay agad siyang nagsisigaw habang umiiyak. Si Manang Caring ang unang dumating at nakakita kay Marsha na nakahandusay sa sahig at walang malay. Hindi nagtagal ay dumating na ang iba pa at pinakahuli ay si Carlo na siyang tanging may presence of mind sa kanilang lahat. Ito ang tumawag sa guardhouse ng subdivision na siya namang nagpatawag ng ambulance at doct
