NAKOMPIRMA ni Orange ang sinabi ni Marsha nang makita sa daliri ni Portia ang engagement ring na dapat ay sa kanya. Napaiyak siya at natagpuan ang sariling nasa labas ng classroom ni Carlo. Gusto niya itong komprontahin sa ginawa nito pero nang maalala ang kasalukuyan nilang setup ay nagbago ang isip niya.
Iyon naman talaga ang dapat mangyari, hindi ba? Ang mag-away sila ni Carlo at tuluyang magkalabuan. Iyon naman ang habol ni Marsha. Kapag nangyari iyon, ituturo na nito sa kanya ang kinaroroonan ng tatay niya. At kasabay niyon ay maglalaho na sa buhay niya si Carlo.
Pero bakit nasasaktan siya? Bakit ang sakit-sakit isipin na nagawa iyon ni Carlo sa kanya? Umasa siyang mahal na siya talaga ni Carlo, patunay ang kuwintas na bigay nito pero hanggang sa huli pala ay si Portia pa rin ang gu
