Kinahapunan ay nawala na ang sakit sa ulo ko. Itinulog ko buong araw kaya medyo magaan na ang pakiramdam ko at handa na ulit sumabak sa inuman.
Pero pass muna ako ngayon dahil kailangan kong pumunta ng hotel dahil tinawagan ako ng magaling kong kakambal.
Hindi na office hours pero kailangan kong mag-report, tingin talaga sa'kin ni Zandro ay alipin niyang pwede niyang utos-utusan anumang oras.
Susunugin ko na talaga ang hotel niya!
"Saan ang tagay session natin today, Ate?" tanong ni Ava nang madaan ko ito sa sala.
"Hindi ako papuntang inuman," pairap kong sagot.
"Himala," komento nang kakapasok pa lang na si Bella.
"Tigilan ni'yo nga akong dalawa," nakasimangot kong saad. "Kapag hanapin ako ni Mommy, sabihin ni'yo inaalipin ako ni Zandro," bilin ko sa mga ito.
"Bye, Ate, ingat ka,
