Pagkabukas ko ng pinto at bigla akong nauntog sa matigas na bagay.
Muntik na akong mapamura dahil sa sakit ng ilong ko na tumama sa dibdib ng taong napagbuksan ko ng pinto.
"Are you okay?" nag-alalang tanong ni Dax na siyang may kasalanan kung sakaling tatabingi ang ilong ko.
"Ano ba kasi ang ginagawa mo sa likod ng pintuan?" naiinis kong sikmat sa kanya habang hawak-hawak ang nasaktang ilong.
Patunay lang ito na matangos ang ilong ko at hindi gano'n kalaki ang noo ko. Pero nakakainis lang dahil ang lakas ng pagkakatama nito.
"Patingin nga ako," wika ni Zandro na mabilis na nakalapit sa'kin.
Hinawakan nito ang baba ko at tinanggal ang kamay kong nakatakip sa ilong ko.
"Hindi ba dumugo?" napangiwi kong tanong.
"Namumula pero mukhang okay naman," sagot ni Zandro. "Original naman
