Maganda ang mood ko nang pumasok ako sa opisina. Ganito pala kapag alagang-Mercer, nababawasan ang init ng ulo ko. Hinatid nila akong mag-ama papunta rito.
Iba na naman iyong sasakyang gamit namin kaya kung sakaling nakita man ni Zandro na may naghatid sa'kin ay hindi nito iisipin na ang mag-amang Mercer iyon. May palusot din naman akong inihanda kung sakaling hindi iyon ang mangyari.
Ganito ako kahanda lalo na at kusa akong pumasok sa kinasusuungan ko ngayong sitwasyon.
"Good morning, Ma'am Alex," bati sa'kin ng assistant kong si Yza pagkakita sa'kin. "May bisita po kayo," agad nitong pagbabalita.
Napapansin ko ang tila pag-aatubili nito habang nagsasalita kaya hindi ko mapigilang magtaas ng kilay. Ilang taon ko nang naging assistant itong si Yza, kahit pa noong nasa Z-Tower pa ako n
