Tulad nang inaasahan ko, pagkababa namin ni Vaughn ay tila alam na no'ng iba ang naikwento ko kay Clara.
Nang magpaalam si Vaughn na uuwi na ay wala nang marami pang tanong ang pamilya ko. Hindi na rin sila nagprotesta nang sinabi kong makikisabay na ako sa mag-amang Mercer tutal ay madadaanan naman nila ang bahay ko.
Matapos makapagpaalam at sumang-ayon sa ilang bilin ni Mommy ay ilang sandali pa at papalabas na ang sinasakyan namin sa mismong subdivision na kinaroroonan ng bahay ng mga magulang ko.
Nagtaka pa ako nang huminto sa tabi ng kalsada ang sasakyan nang makalayo ito nang ilang dipa mula sa mismong gate ng subdivision. Hindi pa ako nakapagtanong ay natanaw ko ang pagbaba ng driver/bodyguard ni Vaughn na nagmamaneho kasunod ang isa pang bodyguard na kasamahan nito at lumapit
