Sa kabila nang pasimpleng panlalaglag sa'kin ni Migoh ay naging maayos naman ang buong durasyon ng hapunan kasama ang mag-amang Mercer na bisita namin.
Maging si Daddy Xander ay nagpahayag nang pagtanggap nito kay Dax bilang boyfriend ko. Siguro ay malaking factor sa mabilis na pagtanggap ng buong pamilya ko kay Dax ay dahil kakilala na ng mga magulang ko at kapatid ang ama nitong si Vaughn.
Matapos ang hapunan ay pasimple kong kinausap si Mommy habang nagkakatuwaan naman ang mga kapatid ko at dalawang ama kasama ang mga bisita namin.
"Mommy, pwede na ba akong umuwi sa bahay ko?" paglalambing ko kay Mommy.
"Patingin nga ng pisngi mo."
Agad kong inilapit ang pisngi kong nakalmot no'ng may nangyaring rambol sa restaurant.
"Magaling na po iyan," saad ko habang sinusuri niya ang kalmot
