Isang mamahaling sasakyan ang natanaw ko at mula roon ay bumaba ang unipormadong driver at pinagbuksan ang pasahero nito.
Lihim akong napabuga ng hangin nang makita kong bumaba ang royal monther ni Dax. Kaya pala panay busina, kontrabida pala ang nakasakay.
Para namang lunukin ko nang buhay ang anak niya! Si Dax kaya iyong unang nanghalik!
"Hindi ka pa ba mahuhuli sa klase mo?" mahinahon kong tanong kay Dax. "Mukhang tayo yata ang pakay ng royal mother mo."
"Hindi naman kita pwedeng iwanan sa kanya," mahina niyang saad.
"Natatakot ka bang may gagawin siya sa'kin?" sarkastiko kong tanong.
"Panatag naman akong hindi ka magpapaapi kahit kanino," nakangiti niyang sagot. "Ang ayaw ko lang ay baka makumbinsi ka niyang layuan ako," nakakunot ang noo niyang dagdag.
"Masyado ka naman yatang
