Pagkarating ko sa conference room kung saan gaganapin ang nasabing meeting ay marami nang mas nauna sa'kin doon.
Sinenyasan ako ni Zandro na maupo sa tabi niya kaya matapos batiin iyong ilang mga executive na kasama sa meeting ay agad akong lumapit sa kakambal ko.
"Para saan 'tong meeting?" mahina kong tanong kay Zandro. Wala akong ideya sa agenda dahil wala namang sinabi si Clara.
"Tungkol sa collab natin kasama ang Mercer Hotel," pabulong ding sagot ni Zandro.
Agad sumagi sa isip ko si Vaughn. Wala ito ngayon kaya posibleng representative lang nito ang dadalo. Agad tumuon ang tingin ko sa dalawang hula ko ay galing sa Mercer Hotel.
"May hinihintay pa ba tayo?" usisa ko nang hindi pa rin kami nagsisimula.
Bago pa makasagot si Zandro ay naagaw na ang pansin ko nang muling pagbukas
