Kinabukasan, pagkagising ko pa lang ay wala sa sarili akong napahawak sa impis kong tiyan.
Bigla-bigla kasing pumasok sa utak ko ang posibilidad na nabuntis nga ako dahil sa unang beses kong pakipaglandian.
Ang aga-aga kung ano-ano na agad ang pumapasok sa utak ko. Bigla tuloy akong naaburido at dala-dala ko iyon hanggang sa pagpasok ko sa trabaho.
Bilang COO ng kompanya ay may sarili akong opisina, pero dahil alipin yata ang tingin sa'kin ni Zandro ay ang aga-aga naabutan ko itong naghihintay sa'kin pagkarating ko.
Prente siyang nakaupo sa visitor's chair sa harap ng mesa ko.
"Hindi ako late," mabilis kong pahayag nang magtagpo ang tingin namin.
Mabuti na iyong uunahan ko agad siya dahil minsan nga lang ako pumasok sa oras ay nakaabang pa siya.
"May pinadalang draft ng kontrata si
