Chapter 26
"SAAN NA NAMAN kayong dalawa galing?" bungad agad sa amin ni Nanay Fee nang makarating kaming dalawa ni Milo sa mansyon.
Napangiti kaming dalawa habang magkahawak-kamay. Napatingin roon si Nanay saka tumaas ang kanyang mga kilay. Nagkatinginan kami ni Milo. Mukhang hinihintay namin ang isa't isa kung sino ang magsasabi kay Nanay na kami nâ.
Tumikhim ako saka kumawala mula sa pagkakahawak ni Milo sa kamay ko. Lumapit ako kay Nanay Fee saka ko hinawakan ang kamay niya. Tinapunan niya ako ng tinging nagtataka.
Kasabay ng pagdaan ng sari-saring emosyon sa kanyang mga mata ay kasabay rin ng pag-ngiti ko tagos hanggang puso. Bawat bigkas ng mga salita ay dinadama ang bawat letra.
"Nanay Fee... kami na."
Tulad ng aming inaasahan ni Milo ay napangiti si Nanay at hinawakan ang m
