(Sharina's POV)
Nagmamadali ako ngayon papunta sa isang restaurant sa Makati City dahil ayon kay Miss Josee na parang naging manager ko na at ni Gerry ay may malaki raw na project na inio-offer sa amin. Kagabi pa siya tumawag sa akin at ngayon ay ilang beses na ulit siyang nagremind sa akin. Malaking kumpanya raw kasi ang kumukuha sa amin para magmodel sa ilalabas nitong bagong produkto.
Hindi na muna masyadong idinetalye ni Ma'am Josee sa akin ang tungkol sa kumpanyang iyon dahil masyado siyang masaya at excited, at pinagmamadali na nga niya ako roon. Maging si Gerry ay papunta na rin daw doon.
"Sha! Mabuti at naririto ka na!" Masayang salubong kaagad sa akin ni Miss Josee pagkapasok ko sa restaurant.
Inakay niya kaagad ako papasok at natanaw ko sa may di kalayuan si Gerry at ang isan
