A Taste of You
Quiniella's POV
NAGTATAKA ako dahil hindi raw si Paula ang pumunta sa 'king silid no'ng nagkasakit ako.
Sino kaya 'yon?
Napakamot na lang ako sa ulo ko at saka nagtungo sa silid ni Mido dahil gusto ko siyang kumustahin lalo na't dalawang araw kaming hindi nagkita. Pagkapasok ko'y agad kong napansin na nakapikit ang mga mata niya habang nakaupo sa kaniyang silya. Dahan-dahan akong lumapit sa kaniya at pinagmasdan siya nang maiigi. Napakakisig niya at mukha siyang kerubin. Napakaamo ng kaniyang mukha at saka napakakinis ng maputi niyang balat. Walang kapintas-pintas sa itsura niya at puwede na ngang ipantapat sa mga artista.
"Huwag mo naman akong titigan at baka matunaw ako n'yan," aniya at nagulat naman ako kaya't natumba ako. Lumagapak ang aking pwetan sa sahig na iki
