(JESSICA’S POV)
ALAS- OTSO na nang umaga ng magising kaming dalawa ng pinsan ko, medyo inaantok pa ako at pakusot-kusot pa ng dalawa kong mata, tinatamad pa akong bumangon at ganoon din ang pinsan ko, kahit gising na ay nakahilata pa rin ito sa aking kama.
Pareho naman kaming babae kaya naman pinagtabi na lang kami ni Mama, dahil kawawa naman kung sa sofa siya matutulog. Masilan pa naman ang babaeng ito.
Napatingin ako sa aking pinsan at masasabi kong maganda talaga ito. At may pagka chinita ang mga mata nito at hugis bote ng coca cola ang katawan. Medyo maputi rin si Jen, kaya masasabing marami rin siyang manliligaw.
Pero ewan ko sa babaeng ito, kung bakit ngayon wala pa rin itong nobyo. Sabagay pareho lang naman kami pero kahit ganoon ay meron pa rin akong taong hinahangaan kahit Min
