Pagbalik nila sa silid, inasikaso agad siya ni Shaira para gamutin ang sugat niya. Kumuha ito ng planggana at tubig saka nag-init ng tubig. Saka siya kumuha ng face towel na malinis at binasa ng alcohol. Nang kumulo ang mainit na tubig, naglagay siya sa planggana saka inilublob doon ang face towel.
“Congrats, Gel, pero grabe ang ginawa niya sa ’yo, parang hindi na lang niya gustong manalo sa fight. Tila may lihim na galit na sa ’yo si Jane,” wika nito. Hindi siya umimik pero iyon din ang iniisip niya.
Hindi niya maintindihan si Jane pero pakiramdam niya may galit ito sa kanya. Ngunit hindi niya alam kung ano iyon at kung meron nga, bakit? Wala naman siyang natatandaan na ginawang masama rito para magalit ng ganoon.
“Mabuti na lang at hindi malalim sugat mo pero mahaba ang hiwa. Mukha
