UMUPO si Shaira sa tapat niya habang ang tingin nito ay kay Jane na naglalakad pabalik sa pwesto nito, pagkatapos ay tiningnan siya nito.
“Gel, ayos lang ba na ginanon mo siya? Parang nakakaawa,” sambit nito.
“Tss. Akala ko ba huwag magtiwala tapos naaawa ka?” tanong niya.
“Hehe. ’Yung reaksyon niya kasi nakakaawa,” sagot nito at inalapag ang pagkain na in-order sa gitna ng mesa.
“Hindi ako naaawa sa kanya. Mas nagdududa ako,” aniya at kinuha ang kanin at pritong manok na ulam saka menudo.
“Sabi ko nga,” anito kaya napailing siya. “Paano kita pagkakatiwalaan sa plano ko kung masyadong malambot ’yang puso mo?” aniya at tiningnan ito. Nanlalaki ang mga mata nitong nakatingin sa kanya.
“Ano ibig mong sabihin, Gel?” tanong nito at lumapit pa para bumulong. Hindi siya sumagot at lumin
