Pagbalik nila sa silid, naupo muna siya sa sahig para magpahinga. Hindi man niya aminin pero pabor sa kanya ang nangyari dahil ayaw na rin naman talaga niya lumaban. Ang ayaw lang niya ay siya ang itinanghal na number 1, dahil kung nagkatapat-tapat sila, siguradong hindi niya makukuha ang spot na ’yon. Lalo na kung si Jaxon ang makakalaban niya.
“Gel, okay ka lang ba?” tanong ni Shaira. Napatingin siya rito dahil abala ito sa paglalagay ng kape sa tasa. Nahagip din ng tingin niya ang heater na may lamang tubig.
“Yes, I’m fine. Pwede pagtimpla mo rin ako?” tanong niya. Ngumiti ito at agad na tumango.
“Thanks,” sagot niya. Kinuha niya ang laptop niya at binuksan iyon. Automatic itong nag-connect sa Wifi ng school dahil na-i-connect na niya ito.
Agad siyang nag-search ng sagot sa tano
