I ROAMED my eyes around and let out a deep sigh. Ito ang apartment na inihanda ng ama para sa akin. Masyado itong simple kung ikukumpara sa bahay ng ama ko o sa condo ni Silent.
Tanging kulay puti lang ang makikita sa lahat ng pader sa paligid. Ang ibang gamit naman nito gaya ng mga furniture ay nakabalot pa ng puting kumot. Bukod sa mga iilang gamit ay wala nang iba pang disenyo.
Pabagsak kong inupo ang sarili sa sofa'ng nababalot pa ng kumot. Hindi na ako nag-abalang tanggalin pa ito bago upuan. Isinandal ko ang sarili sa backrest ng sofa at tumulala kung saan.
Alam kong mali ang ginawa kong pag-alis nang walang paalam kay Silent, pero ito lang ang naisip kong paraan para mapigilan ang sarili na huwag umalis sa tabi niya. Dahil alam kong hindi siya papayag na umalis ako. At kung sakal
