Nakangiti at naniningkit ang mga mata ni Anthony habang nakatitig sa kanya. "Good morning," bati nito sabay dampi ng halik sa labi niya.
Napatulis ang nguso ni Mia, nangingilid ang luha na pinagbabayo niya ang dibdib ng binata hanggang sa tuluyan niyang mailabas ang kaninang tensiyon na naipon sa dibdib niya. Akala niya kasi kung sino na ang basta na lang humablot sa kanya. Nakapikit lang noon si Anthony at tinanggap ang bawat palo niya hanggang sa unti-unti na siyang kumalma at sumubsob sa dibdib nito. Doon na siya niyakap nang mahigpit ng binata. "Sorry," mahinang sabi nito.
Unti-unti siyang bumitiw sa pagkakayakap rito hanggang sa magtama ang kanilang paningin. Napangiti ang binata nang sumibi siya na wari mo’y musmos na bata. Pinisil nito ang magkabilang pisngi niya atsaka siya nito
