Ilang segundo rin silang magkayakap bago ma-realize ni Mia ang oras. "Hala, late na ako!" aniya sabay tulak sa binata.
Napasulyap sa relo si Anthony. "Maaga pa naman, ah?"
"May meeting kami ngayon, eh. Tara na!" Nagpatiuna nang maglakad si Mia papunta sa sasakyan.
"Hindi ba pwedeng mag-almusal muna tayo?" hirit ni Anthony habang nakabuntot sa kanya.
"Hindi nga pwede, mapapagalitan ako," hindi lumilingong sagot niya.
Blanko ang mukha ni Anthony nang sumakay ng sasakyan. Naging abala na sa cell phone si Mia kaya hindi na niya napapansin ang nakalukot na mukha ng binata.
Nang tumigil ang sasakyan sa tapat ng restaurant, dali-dali niyang kinalas ang seatbelt. "Bye," aniya sabay halik sa pisngi ng binata.
Nakahawak na siya sa pinto at akmang bababa nang hablutin ni Anthony ang kamay niy
