ABUT-ABOT ang pagpipigil ni Jordan na mapangiting-tagumpay habang nakaupo siya sa isang silyang katapat ng kay Maddie. Narating na nila ang restaurant ni Eduard kung saan nila napagkasunduang kumain at kasalukuyan silang naghihintay ng order.
Naiiling na lang siya sa tuwing binabalikan sa isip kung paano niya nagawang pakitunguhan ang ex-girlfriend kani-kanina lang. Maging siya ay hindi rin makapaniwala sa sarili at hindi malaman kung saan siya humugot ng matinding lakas ng loob upang makipag-usap dito nang hindi naiilang, gayong totally aware siya kung gaano kalaki ang naging kasalanan niya rito.
Tahimik din siyang nagpasalamat sa Diyos na bagama’t mataray at medyo pabalang ang ginamit na tono ng babae sa pakikipagsagutan sa kaniya ay masasabi niyang naging maayos at mabuti pa rin ang
