Nagising ako dahil sa napakalakas na bell. Hindi ko alam kung saan iyon nanggaling. Ang sigurado ko ay tila ginigising ako nito sa mahimbing na pagtulog. Mahina lamang iyon nung una ngunit habang tumatagal ay mas lalo itong lumalakas.
Hindi ko na kaya ang nakakabinging tunog ng bell na iyon kaya nagpasya na akong bumangon at lumabas ng tent ngunit tila nais kong maglahong parang bula dahil sa king nakikita. Mapang-asar ang tingin na binibigay sa akin ngayong ng anim na prinsesa. Mataman naman ang ipinukol na tingin sa akin ni Tita Frydah at ang mag-asawang elementalist. Nakahanda na silang lahat at ako na lamang ang hinihintay.
"Sobrang saya at pagod ko kahapon kaya naman nakalimutan ko ang magising ng maaga." Napatungo ako sa sobrang hiya na nararamdaman. Walang sumagot sa kanila kaya
