"Nakilala din kita. Rafael, Rafael Goncuenco..."
Umugat ang aking mga paa sa aking kinatatayuan. Hindi ako makagalaw dahil sa gulat. Nabitawan ko ang bulaklak at hindi na ito tuluyang naibigay sa kanya. Hindi ko alam ang gagawin, itatanggi ko ba na ako si Rafael kung mukha siyang sigurado sa kanyang sinasabi.
"Anong sina--" Sinubukan kong tumanggi pero mabilis siyang dumalo sa akin at ginawaran ako ng malakas na sampal sa pisngi.
"Wag na tayong maglokohan! Ikaw si Rafael!" Aniya at pinaghahampas ako sa aking dibdib. Sunod sunod ang pagtulo ng panibagong luha, hinayaan ko siya sa pagbibigay ng suntok sa akin. "Niloko mo ako! Niloko niyo ako!" Sige Carole, kulang pa yan. Walang kapatawan sa mga sakit na naidulot ko sa'yo.
"Bakit niyo ako sinasaktan ng ganito!" Nanghina ang kanyang sunt
