SYRELLE KEYZA ALTAIR POV
Pagkatapos naming kumain ng hapunan, nagpasalamat ako kay Carla. Siya na ang nagligpit ng pinagkainan namin kahit ilang beses kong sinabing ako na ang gagawa. Ngumiti lang siya, sabay sabing, “Ikaw na lang magpahinga, Syrelle. Kita ko naman kung gaano kabigat ang binigay sa’yo ni Mr. Lee. Baka hindi mo matapos kung pati kusina aayusin mo pa.”
Matapos maghugas ng plato at magpunas ng mesa, lumapit siya sa akin. Nakaupo pa rin ako sa sala, nakahilera ang mga papel at dokumento mula sa makapal na folder na iniabot ni Mr. Lee kanina. Nakatambak sa mesa ang ilang kape na halos hindi ko naubos, at nakakalat ang mga post-it na ginagamit kong pantandaan.
“Syrelle, matutulog na ako ha. May maaga rin akong pasok bukas. Huwag ka nang magpuyat masyado,” paalala ni Carla, h
