SYRELLE KEYZA ALTAIR POV
Halos hindi ko na namalayan ang paglipas ng oras. Huling tingin ko sa relo, alas-kwatro na ng madaling araw. Pagkatapos noon, hindi ko na rin na-track kung ano pang mga ginawa ko—basta ang alam ko, natapos ko ang summary report at na-format ko lahat ng kailangang ipasa. Hindi ko na namalayan kung ilang minuto pa ang tulog ko; siguro halos isang oras lang o baka mas maiksi pa.
Pagdilat ko, mabigat ang pakiramdam ng katawan ko. Para akong binuhusan ng semento. Pero wala na akong oras para magreklamo. Kailangan kong bumangon, maligo, at maghanda papuntang Lee Global Enterprises.
Paglabas ko ng kwarto, nadatnan ko si Carla na nakaayos na. Nakatitig siya sa akin na parang gusto niya akong batukan.
“Grabe ka, Syrelle…” mabilis niyang sabi, sabay turo sa mukha ko. “P
