RYKER DAMIEN LEE POV
Habang nagda-drive ako pabalik sa kumpanya, hindi ko mapigilang ngumiti. Minsan pa, kinagat ko ang labi ko habang iniisip ang mga nangyari. Girlfriend ko na si Syrelle. Hindi ko pa rin lubos maisip na ang sekretarya kong palaging nahihiya at madalas kong pag-initan, siya pala ang magiging pinakamahalagang babae sa buhay ko.
Marami ang maaaring magsabi na mabilis, na baka hindi pa ito ang tamang oras para sa kanya. Oo, alam kong bago lang sa kanya ang lahat, ramdam kong medyo naguguluhan pa siya. Pero sa puso ko, malinaw wala akong pagsisisi. Ang tanging pangako ko kay Syrelle ay hindi ko siya sasaktan. Hinding-hindi ko siya bibiguin.
Pinisil ko nang mahigpit ang manibela, saka muling napangiti habang iniisip ang ngiti niya kanina, ang paraan ng pagtango niya, ang i
