Mag-isang nakatayo sa terrace ng mansyon si Ashley. Matatagpuan ito sa dulong bahagi ng ikalawang palapag. Mula sa pwesto niya ay pinagmamasdan niya ang malawak na bakuran. Gabi na at madalim na ang langit pero dahil sa liwanag na nanggagaling sa mga ilaw na nagkalat sa paligid ay malayang nakikita ng kanyang mga mata ang kagandahang taglay ng paligid ng mansyon. Bukod sa malawak, napakaganda ding pagmasdan ng mga halaman at mga bulaklak na nagpadagdag sa angking kagandahan ng mansyon.
Maya-maya ay huminga nang malalim si Ashley. “Kung ano ang ikinaganda ng mga nakikita ko ay siya namang ikinapangit ng mga nangyayari sa buhay ko. Hindi talaga patas ang mundo. Kung may maganda, siyempre may pangit din,” napagtanto niya.
Muling tiningnan ni Ashley ang picture na kanina niya pa hawak. Ito a
