Nasa baby esssentials section sa loob ng department store sina Sasha at Rim. Panay ang tingin ng una sa mga gamit pang-baby na kanyang nakikita habang nakasunod naman sa kanya ang mister. Tila dyamante na kumikinang ang mga mata ni Sasha habang tinitingnan isa-isa ang mga gamit pang-baby. Naisipan nilang magtingin-tingin ng gamit pang-baby kahit na maaga pa naman para gawin nila ito.
“Ang ganda nito,” nangingiting sabi ni Sasha saka itinaas ang isang terno na damit pambabae. “Ito rin, ang ganda-ganda,” papuri pa niya.
Tipid lamang na napapangiti si Rim sa ipinapakita sa kanya ni Sasha na damit.
“Ang cute nito!” tuwang-tuwa na sabi pa ni Sasha nang kunin niya ang isang laruan na panlalaki. “Sigurado na matutuwa si baby boy kapag nakita niya ito,” wika pa niya habang tinitingnan ang larua
