“Ouch. Ang sakit naman nito,” nasasaktang daing ni Alren habang nakaupo at bahagya siyang nakayuko sa isang bench na nasa gilid ng garden. Nakataas ang kanan niyang binti at nakapatong ito sa kaliwa niyang tuhod. Nakataas hanggang tuhod ang kulay burgundy na slack pants na suot niya at tinitingnan ang natamo niyang gasgas sa namumula niyang tuhod dahil sa paglalaro niya ng football kanina sa P.E. class.
Napapangiwi si Alren dahil sa nararamdaman niyang kirot at hapdi dulot ng kanyang sugat. Bahagya niyang pinipisil-pisil ang paligid ng nagasgas niyang tuhod habang iniihipan niya ito ng kanyang hininga para kahit papaano ay mabawasan ang nararamdaman niyang sakit. Medyo malala ang gasgas kaya dapat ay pupunta siya sa clinic para ipagamot ito ngunit hindi naman niya magawa dahil paika-ika s
