Nakatayo sa tabi ng bintana ng kanyang kwarto si Alren. Hindi na niya nabilang kung ilang minuto o oras na siyang nakatayo dito dahil nakatingin lang siya sa labas.
Nakakabingi ang katahimikan sa loob ng kwarto. Tulala lang si Alren at malalim ang kanyang iniisip. Tumatakbo sa isipan niya ang mga nakita kanina na nagpapasikip sa kanyang dibdib. Tunay na nagulantang ang mundo niya sa kanyang nakita na hindi inaasahan.
Pamaya-maya ay pagak na natawa si Alren. Bahagya pa niyang iniling-iling ang kanyang ulo. Matapos pagak na tumawa ay nagbuntong-hininga siya at kumurba ng mapait na ngiti ang kanyang labi.
“Hindi ko dapat ‘to nararamdaman,” bulong ni Alren. “Ano naman kung may girlfriend na siya? Anong pake ko don? Wala dapat akong pake, ‘di ba?” sunod-sunod na tanong pa niya.
“Kasalanan m
